Бразил во полуфиналето на „Копа Америка“ (ВИДЕО) - Слободен печат
СпортФудбал

Бразил во полуфиналето на „Копа Америка“ (ВИДЕО)

Домаќинот на „Копа Америка“, репрезентацијата на Бразил ќе игра во полуфиналето, откако на пенали го елиминираше Парагвај.

Во Порто Алегре стрелците не беа многу расположени и по конечните 0:0 се пријде кон изведување пенали.

Единствено се одвојува моментот во 54. минута кога беше досуден пенал за Бразил, но по прегледувањето на снимката со помош на ВАР технологијата, судијата ја промени одлуката во корист на Парагвај и пеналот беше поништен.

Во пенал серијата „кариоките” славеа со 4:3. За Бразил прецизни од белата точка беа Вилијан, Маркињос, Кутињо и Габриел Жезус, промаши Фирмињо.

Трите гола за Парагвај ги постигнаа Алмирон, Валдез и Рохас, не реализираа Гомез и Гонзалес. Противник на Бразилците во полуфиналето ќе им биде поуспешниот од вечерашниот натпревар меѓу Венецуела и Аргентина.

Другите две четвртфинални двојки се: Колумбија – Чиле и Уругвај – Перу.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close