Браво: Ивановски се пласира во второто коло на Вимблдон во јуниорска конкуренција  

Фото: facebook.com/Македонски-тенис

Талентираниот македонски тенисер, Калин Ивановски обезбеди пласман во второто коло на Вимблдон во јуниорска конкуренција откако славеше и тоа со пресврт. Ивановски во првото коло славеше со 3:6,6:4,6:2 над домашниот тенисер Лука Поу.

Англискиот тенисер во првиот сет направи два брејка и без поголеми проблеми успеа да дојде до водство од 0:1 во сетови. Во вториот сет Ивановски веднаш направи брејк, но потоа му дозволи на противникот два пати да го одзеде неговиот сервис и да поведе со 2:4. Но тогаш, Ивановски се разбуди, почна да игра фантастично и освои четири гема по ред за 6:4 и израмнување на 1:1 во сетови.
Ивановски беше одличен и во третиот сет кој го доби со 6:2 и си обезбеди пласман во второто коло каде ќе игра со подобриот од дуелот меѓу 11. носител, Мексиканецот Пачеко-Мендез и Базиле од Бразил.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот