Браво Дејан: Македонскиот таеквондист го елиминираше сребрениот медалист од последното СП
Најдобриот таеквондист од Македонија, Дејан Георгиевски настапува на најелитниот турнир во таеквондо светот, Финале Гран При кој се одржува во Ријад, Саудиска Арабија.
На овој турнир се поканети само најдобрите во светот, а Георгиевски стартуваше победнички.
Нашиот натпреварувач доминантно го елиминираше сребрениот медалист од последното Светско првенство во Мексико, Иван Гарсија Мартинез од Шпанија.
Македонецот славеше во првата рунда со 5:2, а во втората беше уште подобар со 13:0.
Според најавите во четвртфиналето противник на Георгиевски ќе биде првиот носител, Мартин Соарес од Бразил.
Овој турнир носи слични бодови како светско првенство за освојување олимписка норма.