Братот на Дражен Петровиќ открива: Црвена звезда го купи местото во Евролигата од Цибона?
Хрватскиот тренер Ацо Петровиќ изјави дека Црвена звезда платила одредена сума на пари на Цибона за да влезе во Евролигата во 2014 година.
Братот на Дражен Петровиќ во подкастот „Суперспортске“ зборуваше за добрите односи кои ги имаа Црвена звезда и Цибона посебно се осврна на еден момент од 2014 година. Тогаш хрватските екипи Цедевита и Цибона на фајналфор турнирот во Белград во полуфиналето ги совладаа Партизан и Црвена зведа, но во Евролигата играа „црвено-белите“.
– Тој однос започнува во годината кога Цибона триумфира во АБА лигата, односно со победата над Црвена звезда во полуфиналето и потоа на Цедевита во финалето. Цибона доби гаранции дека ќе бидат обезбедени средства за учество во Евролигата, но на крајот не испадна ништо од тоа, во елитното натпреварување учествуваше Црвена звезда. Не сакам да ризикувам тужба, па ќе го искористам тоа што ме научија моите адвокати. Кога сакаш да кажеш нешто спорно, секогаш нагласи наводно пред тоа. Значи, наводно Цибона за откажување од Евролигата добила финансиски надомест – изјави Ацо Петровиќ.