Претседателот на управата на Хрватски шуми од редовите на ХДЗ, Крунослав Јакупчиќ денеска е уапсен и спроведен на распит во Управата за сузбивање на корупција и организиран криминал УСКОК.

Неговиот адвокат Владимир Терешак, даде изјава за медиумите: „Досега не сме добиле решение за спроведување истрага, кога ќе исконтактирам со клиентот ќе знам што да ви кажам, испитувањето е закажано за 16.45“, изјави тој.

На прашањето како ќе се брани неговиот клиент, тој рече активно.

„Тој не се смета за виновен, ќе ги изнесе фактите и околностите“; рече адвокатот на уапсениот шеф на Хрватски шуми.

Адвокатот Жељко Гулишија, бранител на државниот секретар во Министерството за управа Јосипа Римац, рече дека неговата клиентка и поранешна градоначалничка на Книн е уапсена поради истрага поврзана со ветерници.

„Не можам службено да потврдам, но претпоставувам дека станува збор за ветерници“, рече тој и додаде дека повеќе детали ќе има попладнево, ако Јосипа Римац му издаде полномоштво како на бранител.

Хрватското МВР потврди дека од рано утрово во тек се апсења на државни функционери и стопанственици под сомнение за сторени кривични дела злоупотреба на службена должност и стопански криминал со одбележја на корупција.

Меѓу уапсените се и државниот секретар од ХДЗ и поранешна градоначалничка на Книн Јосипа Римац и помошничката во Министерството за стопанство Ана Мандац.

Полициајта денеска во Сплит го уапси и Иван Мелван, раководител на Управата на Хрватски шуми во тој град, кој потоа е однесен во Загреб на испрашување на во УСКОК.

Меѓу уапсените е и Анте Сладиќ, бизнисмен од Шибеник кој исто така во текот на денов ќе биде спроведен во Загреб на распит, како и Наташа Турбиќ, началничка на Грачац од редовите на ХДЗ.