Апелациониот суд во Романија ја усвои жалбата на контроверзниот инфлуенсер Ендру Тејт и неговиот брат Тристан и го укина последниот месец од притворот, кој требаше да трае до 29 април. Тие се во домашен притвор и го чекаат судењето.

По тој повод, Тејт на својот Твитер профил напиша дека од минатата година е во 24-часовен карантин и не смеел да седи ниту во дворот од затвоторот.

Одењето во келија долга три метри без електронски уреди или надворешен контакт. Апсолутен мир на умот. Вистински мисли и вистински планови, пишува тој и додава дека откако е еден час во домот не може да го поднесе телефонот.

Since last year ive been in 24 hour lockdown. No yard time.

Pacing a 3metre cell with zero electronics or outside contact. Absolute clarity of mind. Real thoughts. Real plans.

Vivid pain.

One hour home and I cant stand my phone.

Some habits die hard.

We must defeat Shaytan. pic.twitter.com/Q6TBK5KTqU

— Andrew Tate (@Cobratate) April 1, 2023

За крај, тој порача дека мора да го победат „Сатаната“.

Браќата Тејт беа уапсени кон крајот на минатата година под обвинение за силување, трговија со луѓе и формирање организирана криминална група. Тие ги отфрлија сите обвинувања.

Протечените судски документи вклучуваат сведоштва на жртви кои тврдат дека биле принудени да заработуваат 10.000 евра месечно на социјалните мрежи, под закана за физичко насилство.

Од април минатата година кога почна истрагата, обвинителите собраа шест жртви.