Тимот на Брајтон повторно им кажа на големите англиски клубови кои покажаа интерес во Еквадорецот Моисе Каиседо дека тој не е за продажба. Иако според британските медиуми, Арсенал синоќа испратил понуда од 70 милиони фунти, Брајтон експресно ја одбил и таа понуда.

Во трката за потпис на Каиседо, според британските медиуми, се Арсенал и Челси. Но, фокусот на Челси е кај Аргентинецот Енцо Фернандез од Бенфика, па патот до Каиседо е отворен за лидерот на табелата во Премиер лигата.

Но, засега Брајтон не го менува својот став. Тие не сакаат да го продадат Каиседо кој јавно побара од клубот да му даде да се пресели во Северен Лондон.

Остануваат уште 2 дена од зимскиот трансфер период, па овој трансфер е меѓу најинтересните за следење во овие моменти.