Брајант го обожуваше Милан, а анегдотата со Роналдињо и Меси е легендарна
Сите големи фудбалски екипи му оддаваат последна почит на трагично загинатиот Коби Брајант.
Во пресрет на дербито во шпанската Ла Лига, помеѓу Реал и Атлетико, му беше оддадена последна почит на Коби Брајант кој минатата недела бо хеликоптерска несреќа трагично го загуби животот.
Фудбалерите на двете екипи прегрнати стоеја на центарот на „Сантијаго Бернабеу“ и со навивачите одржаа една минута молк.
Yet another tribute from world soccer toward Kobe Bryant. ?
➡️ thank you @realmadrid and @Atleti
??
?? pic.twitter.com/JdkAXIOJMd— Vanessa Bryant (@VanessaBryantKG) February 1, 2020
„Уште една почест од фудбалскиот свет за мојот сопруг. Благодарам Реал и Атлетико“, напиша на својот Инстаграм профил, Ванеса Брајант, сопругата на Коби.
Освен што беше голем кошаркар и спортист, Коби Брајант го обожуваше фудбалот со кого се зарази додека живееше во Италија. Бидејќи татко му Џо, настапуваше во Италија, малиот Коби покрај баскетот, често се дружеше и со фудбалската топка и беше сосема солиден фудбалер.
Беше голем навивач на Милан, кој исто така му оддаде почит на „Сан Сиро“.
– Доколку ме прашате за кого навивам и доколку ми ја отсечете раката ако кажам Милан, нема да се двоумам. Повторно ќе кажам Милан и ќе ја подадам и другата рака – зборуваше Брајант за неговиот омилен фудбалски тим.
Тој често знаеше за време на паузата во НБА лигата, да доаѓа во Италија која ја сметаше за втор дом и да ги следи натпреварите на Милан. Колку беше фасциниран од Италија говори и податокот дека неговите четири ќерки Џиана Марија, Наталија Диаманте, Бјанка Бела и Капри, имаат италијански имиња.
Неговиот втор омилен тим е Барселона, со кого имаа ист спонзор и често правеа заеднички маркетинг проекти.
Така Коби стана голем пријател со Роналдињо, а за време на нивното другарување настана анегдота која е легендарна. Самата анегдота ја откри токму Брајант.
Барселона за време на летните подготовки престојувала во Лос Анџелес, а Брајант одлучи да ги посети фудбалерите на еден од тренинзите. Тој почнал да разговара со Роналдињо кога во еден момент Бразилецот му рекол на Коби: „Дојди да ти покажам еден играч кој ќе стане најдобар“.
Брајант го запрашал фудбалерот: Рони, зарем не си ти најдобар? Кој може да биде подобар од тебе?
„Кога ќе ти кажам, дојди“ му се обратил Роналдињо на младиот тинејџер, а тогаш до нив двајца дотрчал, никој друг туку Лионел Меси.
„Овој, малиот ќе биде најдобар? – зборувал Брајант со неверица.
„Да, овој малиов“, одговорил Роналдињо, мислејќи за тогаш 17-годишниот Меси.
НБА легендата потоа зборувал со Меси и му дал неколку совети. Му објаснил колку е важна работната навика и му рекол дека не смее да се опушти ниту кога е на залезот од кариерата, туку мора уште понапорно да работи.
Брајант во јавноста ја раскажа анегдотата после 10 години и притоа заклучи:
– Меси уште сега е еден од најдобрите спортисти на сите времиња. Упорноста, интелегенцијата со која игра, како и вештините кои ги поседува, го издигнуваат над останатите – зборуваше Брајант.
Меси и Брајант потоа станаа добри пријатели и секое лето поминуваа заедно одредено време, а Аргентинецот не пропушти да се прости од легендарниот кошаркар.
– Немам зборови. Беше задоволство да се запознаам со тебе и да го делам времето со тебе. Малку се такви генијалци каков што беше Коби – порача Брајант.