Претседателот на Сојузот на Македонците со исламска религија, Латиф Пајкоски, од свое и од име на Сојузот, упати честитки до поглаварот на Македонската православна црква – Охридска архиепископија, архиепископот охридски и македонски г.г. Стефан и до православните верници по повод големиот христијански празник Рождество Христово – Божик.

– Дозволете ми од мое лично име и од име на Сојузот на Македонците со исламска религија, на членовите на Синодот, на ценетото свештенство и монаштво, како и на сите православни верници во Република Македонија, да Ви го честитам големиот христијански празник Рождество Христово – Божик – стои во честитката.

Се посочува дека во духот на христијанството, Божиќ е најголемиот и најрадосниот христијански празник, празник на светлината, надежта и спасението.

-Христовото раѓање е голем и светол настан за човековиот род, поттик за надеж и верба во животот, љубов и радост во секој дом. ХРИСТОС СЕ РОДИ, се наведува во честитката.

Празничните денови, се посочува, нека донесат радост, здравје, мир и спокој во секое семејство, насочувајќи не кон разбирање, проштевање и добра волја, како и желба за постојан напредок на заедницата.