Божиќен „подарок“ за Интер, Барса се фокусира на „Ел Класико“!
На Интер му е „потребен“ триумф, во групата „Ф“ Барса е сигурно првопласирана со моментни 11 бодови, пред Интер кој има седум, колку и Борусија Дортмуна на третата позиција, а на дното ќе остане Славија Прага (два).
Играчите на Конте можат во осминафиналето и со бод, но само доколку не триумфира бундеслигашот пред своите навивачи над Чесите.
Се најавува дека во Милано нема да дојдат Пике, Меси, Суарез, Бускетс, Серхи Роберто, Алба, Семедо и Тер Штеген. На тој начин Барса би можела да им го олесни патот на „неро-аѕурите“ на патот кон елиминациската фаза.
Во оваа група Интер сè има во своите раце, доколку триумфира против Барселона, ќе биде второпласиран, без разлика како ќе заврши дуелот меѓу Борусија Дортмунд и Славија Прага.
Валверде секако свесен дека Барса е сигурно прва во групата, нема да ризикува и ќе ги одмора најдобрите.
Според италијанските медиуми можно е силите да ги задржи за традиционалното „Ел Класико“ против Реал Мадрид на „Камп Ноу“ на 18 декември, што е многу важна битка за титулата во „Ла Лига“. Пред тој дуел Каталонците имаат уште еден меч во шпанскиот шампионат на гости кај незгодниот Реал Сосиедад на 14 декември.