Тимот на Мерцедес конечно донесе одлука кој ќе му биде тимски колега на Луис Хамилтон, тоа е биде сегашниот возач, Валтери Ботас. Директорот на Мерцедес, Тото Волф, откри дека изборот се сведе на само две имиња, Валтери Ботас и Естебан Окон, а од тимот одлучија тоа да биде поискусниот возач кој сезонава е втор во генералниот пласман, зад Хамилтон на кого му се насмевнува шестата титула.

– Оваа сезона го предизвикавме Ботас да биде подобар од минатата, и тој успешно одговори на тој предизвик. На почетокот од сезоната возеше фантастично и заслужи да биде дел од тимот и во наредната сезона – изјави Волф.

Валетри Ботас пристигна во Мерцедес во 2017 година и досега оствари пет триумфи. Сезонава на почетокот возеше одлично, триумфира на две трки, четири пати стартуваше од пол позицијата и има уште четири втори места.