Босанците се во игра за ЕП, Финска „прегазена“! (ВИДЕО)
Се одиграа нови четири натпревари од квалификациите за ЕП 2020 година, репрезентацијата на Босна и Херцеговина токму против директниот конкурент моментно за второто место на домашен терен со 4:1 славеше против Финска.
Босанците со овие три бода остануваат во игра за учество на континенталниот собир, но ќе им требаат уште победи до таа втора позиција на која и натаму се наоѓаат Финците со 12 бодови, сега само два повеќе од БиХ.
На теренот во Зеница Хајровиќ донесе водство во 29 минута, а од пенал зголеми Пјаниќ. Играчот на Јувентус по вторпат се запиша во листата на стрелците во 58 минута, а Хоџиќ беше стрелец на четвртиот погодок. Гостите успеаја само да го ублажат поразот преку Похјанпало.
Романците ја оправдаа фаворитската улога кај Фарски острови (0:3), потоа Данска благодарение на Поулсен дома триумфираше над Швајцарија, а без голови одиграа Грузија и Ирска. Романија е второпласирана во групата „Ф“ со два бода повеќе од Швеѓаните, а Данците се израмнија на врвот во групата „Д“ со Ирците.
Вечерва од 20.45 часот ќе се играат четири мечеви, Италија-Грција, Лихтенштајн-Ерменија, Малта-Шведска и Норвешка-Шпанија.