Борусија потврди, Мален е нов „милионер“
Германскиот бундеслигаш Борусија Дортмунд потврди дека нов член на екипата е холандскиот репрезентативец Донел Мален.
Во последните неколку дена, германските медиуми интензивно пишуваа дека Мален ќе биде замената за Џејдон Санчо кој потпиша за Манчестер јунајтед, а денеска дојде потврда на овие пишувања. Борусија му плати 30 милиони евра обесштетување на ПСВ Ајндховен, а главен победник изеле контроверзниот агент Мино Рајола кој во Дортмун ги спои своите клиенти, Донел Мален и Ерлинг Халанд.
👍✔️ Borussia Dortmund hat den niederländischen Nationalspieler Donyell #Malen von der @PSV Eindhoven verpflichtet. Der 22-Jährige hat einen bis zum 30. Juni 2026 datierten Vertrag unterschrieben.
Alle Infos 👉 https://t.co/NcFB1fqRaz
— Borussia Dortmund (@BVB) July 27, 2021
Иако има само 21 година, Мален има одиграно 116 натпревари за првиот тим на ПСВ Ајндховен на кои постигна 55 гола и имаше 24 асистенции.
Освен Борусија Дортмунд како можна дестинација за Мален се споменуваше Премиер лигата од каде неколку екипи доставиле понуди за холандскиот репрезентативец, но не е исклучено тоа да е „игра“ на Мино Рајола само за да ја крене цената на својот играч.
