Борусија Дортмунд конечно открива колку изнесува откупната клаузула за Халанд
Директорот на „милионерите“ Ханс-Јоаким Вацке во интервју за „Билд“ конечно проговори за темата која ги загрижува навивачите, односно што стои во договорот со Ерлинг Халанд,и дали навистина постои клаузула според која Норвежанецот може да си замине за само 75 милиони евра во 2022 година.
Халанд во јануари годинава пристигна во Борусија Дортмунд од Салцбург и веднаш покажа зашто многумина го нарекуваат чудо од дете.
Во првите три натпревари постигна седум гола по што гигантите веднаш почнаа да вршат притисок врз „милионерите“ да се согласат на трансфер.
Халанд потпиша четиригодишен договор со Борусија Дортмунд, но веќе се наоѓа на мета на екипи како Реал Мадрид, Манчестер јунајтед, Јувентус, ПСЖ кои се подготвени веднаш да платат 75 милиони евра бидејќи медиумите објавија дека токму толку изнесува неговата откупна клаузула.
Сите дилеми ги разреши Вацке кој открива дека не постои таква клаузула.
– Не постои никаква клаузула од тој тип во договорот. Клубот има цел Халанд долги години да остане кај нас и сакаме тој и неговите советници да имаат идентично мислење. Мислам дека и за него е подобро да остане во Борусија, дека е премногу рано да размислува за наредниот чекор во кариерата – открива Вацке.