Борусија Дортмунд го одреди наследникот на Халанд доколку Норвежанецот си замине идното лето
Ерлинг Халанд продолжува со фантастичните игри во дресот на Борусија Дортмунд со што го зголеми интересот на гигантите кај кои сигурно ќе биде мета број еден идното лето.
Но, ниту германскиот тим не седи со скрстени раце и веќе одреди кого сака да го донесе како замена за Халанд. Според италијански „Калчомеркато“, Борусија доколку идното лето остане без Халанд, сака на „Сигнал Идуна Парк“ да го донесе фудбалерот на Јувентус, Федерико Киеза.
Киеза имаше одличен настап на Европското првенство и е еде од најзаслужните што Италија ја освои титулата. Според „Калчомеркато“, Јувентус е подготвен да го продаде Киеза доколку Борусија понуди рекордна сума.
Киеза во Јувентус пристигна 2020 година од Фиорентина, а „старата дама“ ова лето веќе одби понуди од Челси и Ливепрул кои беа подготвени да платат и 100 милиони евра за траснферот на италијанскиот репрезентативец.