Борко Ристовски со исказ на рочиштето за упадот во Собрание: Ниту ги познавам Јанакиески и Спиро Ристовски, ниту ме контактирале
На денешното рочиште за организаторите на упадот на 27 април во 2017 година, свој исказ даде и македонскиот ракометен репрезентативец Борко Ристовски. Пред присутните истакна дека во тој период не живеел во земјата поради неговиот клупски ангажман во странство, за случувањата во земјата се информирал преку интернет, а социјалните мрежи ги користел за морална поддршка како Македонец.
– Ниту ги познавам Миле Јанакиески и Спиро Ристовски, ниту ме контактирале. На социјалните мрежи давава само морална поддршка, како Македонец, рече Борко Ристовски.
Обвинети во овој предмет се поранешниот претседател на Собранието, Трајко Вељаноски, ексминистрите за транспорт и врски и за образование, Миле Јанакиевски и Спиро Ристовски, како и поранешниот директор на УБК, Владимир Атанасовски. Тие се товарат дека сториле кривично дело „терористичко загрозување на уставниот поредок и безбедноста”.