Борисов го нарече Трифонов политички страшливец

Слави Трифонов мора да оди да го земе мандатот и да објасни зошто не може да управува со 165 пратеници. Ова го изјави во живо на Фејсбук бугарскиот премиер во оставка Бојко Борисов, коментирајќи го предлогот на „Има таков народ” за премиер, јави дописникот на МИА од Софија.

„Никој не ја оспорува титулата во шах, но тука станува збор за спортски менаџмент и политика”, рече Борисов, осврнувајќи се на предлогот на Трифонов за премиер – Антоанета Стефанова. „Целата моја почит кон Антоанета Стефанова, но ако стане премиер, таа ќе оди да го праша пратеникот Слави Трифонов за се. Тие не го сакаа тоа. Ова е голем страв “, додаде Борисов.

„Интересно беше да се видат нивните експерти и министри. Со Стефанова ќе треба да разговараме само за шахот “, наведе премиерот на Бугарија во оставка.

Борисов коментира дека вкупно над 200 милиони лева ќе бидат потрошени на избори. Наместо овие пари да влезат во економијата и да создадат производ, ќе бараме некој да освои мнозинство.

Бојко Борисов го нарече Слави Трифонов политички плашливец. „Кукавица е оној кој со 165 пратеници вели дека не му се доволни и сака 240″. 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот