БОРИС ЏОНСОН НА ОБВИНИТЕЛСКАТА КЛУПА: Обвинет дека лажел за трошоците на Британија во ЕУ
Судот во Лондон соопшти дека следната недела ќе одлучи дали ќе го повика на сослушување поранешниот шеф на британската дипломатија Борис Џонсон, против кој е поднесено обвинение дека давал лажни информации за трошоците на британското членство во Европската Унија.
Тужбата ја поднел бизнисменот Маркус Бол, чии адвокати пренеле дека од судот е побарано Џонсон да биде сослушан поради злоупотребување на службена должност.
Адвокатите на Бол тврдат дека Џонсон, инаку жесток поборник за Брегзит, лажел додека бил градоначалник на Лондон, бидејќи рекол дека Велика Британија неделно и дава на Унијата 400 милиони евра.
Според нивните зборови, Џонсон знаел дека тоа не е точно, но сепак се одлучувал тоа да го повторува по неколку пати.