Борис Џонсон ќе си поднесе оставка?! – Слободен печат
ВестиВи ПрепорачувамеПланета

Борис Џонсон ќе си поднесе оставка?!

Од друга страна, Џонсон бранејќи го својот став за изборите во парламентот, рече дека тоа е единствен начин за Брегзит да се помести од мртва точка.

Според зборовите на главниот британски економист од инвестицската банка „ЈП Морган“, Малколм Бар, британскиот премиер Борис Џонсон, најверојатно ќе си поднесе оставка.

Борис Џонсон, доживеа вистински политички шах мат кога британскиот парламент рано утринава го отфрли неговиот предлог за да се распишат избори, гласајќи „против“.

Претходно, британската кралица Елизабета даде финално одобрение за законот со кој се спречува премиерот Борис Џонсон да ја изведе земјата од Европската Унија без договор на 31. октомври.

Од друга страна, Џонсон бранејќи го својот став за изборите во парламентот, рече дека тоа е единствен начин за Брегзит да се помести од мртва точка.

Покрај тоа, на сила стапи и одлуката на владата за тоа парламентот да се распшти во следните пет недели во екот на кризата.

Законодавното тело официјално е суспендирано со формална церемонија во Домот на лордовите, а спикерот во Долниот дон Џон Беркау го изразил своето незадоволството, со зборовите дека многумина сметаат дека тоа е „акт на измама на извршната власт“.

Пратениците на 14. октомври ќе се вратат во Парламентот, нешто повеќе од две недели пред Британија да ја напушти унијата според моменталниот договор на 31. октомври.

Многумина си го поставуваат прашањетo: „И што сега?“.

Водечкиот британски економист при „ЈП Морган“ смета дека новоизбраниот премиер ќе мора да си поднесе оставка, ако не пронајде некое „магично решение“.

– Една опција е премиерот да го претстави договорот за Брегзит до парламентот и да добие одобрение за него или да поднесе оставка и да дозволи на некој друг од ЕУ да побара одложување. Во овој момент, сметаме дека оставката е најреална опција – истакнува Бар.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close