Борел со охрабрување до Заев: Продолжете со исполнување на ЕУ реформите
Шефот на европската дипломатија, Жосеп Борел по видео средбата со премиерот Зоран Заев, порача дека ЕУ ќе продолжи да ја поддржува Северна Македонија и ја охрабри Владата за реформските напори.
Високиот претставник за надворешна политика на ЕУ, како што се наведува во соопштението од неговиот Кабиент, му честитал на Заев за неговиот реизбор и ја охрабрил неговата Влада да продолжи да ја исполнува реформската агенда за ЕУ.
– Тој, исто така, повторни дека ЕУ останува посветена да и помогне на Северна Македонија во справувањето со пандемијата на коронавирусот и нејзините последици, информираа од Кабинетот на Борел.
Оттаму, во тој контекст, потсетуваат на Економскиот и инвестициски пан за долгорочно закрепнување на економијата на регионот. Шефот на дипломатијата на ЕУ го поздравил и фактот што Северна Македонија се усогласува сѐ повеќе со позициите на Унијата во делот на надворешната политика.