Борел: Има недостиг од храна низ цел свет, а таму каде што ја има таа е скапа

Жосеп Борел
Жосеп Борел / Фото: EPA-EFE/FREDERICK FLORIN / POOL

Шефот на европската дипломатија, Жозеп Борел, денеска, уште еднаш, предупреди на глобалниот недостиг на храна поради војната во Украина, која е еден од најголемите светски производители на житарици, бидејќи сега поради борбите житото не може да се извезува, ниту да се сади и жнее.

„Има недостиг од храната и тоа ќе продолжи. И кога ја има таа е скапа, многу поскапа отколку што многу луѓе можат да си дозволат“, рече Борел на прес-конференција по состанокот на министрите за развој на ЕУ.

„Доколку засегнатите луѓе трошат повеќе за храна, тогаш имаат помалку за образование и здравје, а тоа ќе ја продлабочи сиромаштијата и нееднаквоста“, додаде Борел.

Министрите за развој на ЕУ денеска одлучија да „поддржат повеќе од 70 партнери за да се подобри „отпорноста и одржливоста на нивните системи за храна со цел да го зголемат нивниот капацитет за храна на среден рок“, кажа високиот претставник на Унијата за надворешна политика и безбедност.

„Ги повикуваме и нашите партнери да не ја ограничуваат глобалната трговија со земјоделски производи“, додаде Борел.

Борел, исто така, нагласи дека причината за претстојната криза со храна е руската инвазија на Украина, а не санкциите на ЕУ кон Русија, како што тврди Кремљ.

Русија во моментов го блокира извозот на 20 милиони тони жито од Украина, пред се во Северна Африка и Азија, наведува германската Влада, што предизвика раст на цените.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот