Борел: Го осудуваме насилството во Звечан, ги повикуваме косовските власти и демонстрантите да ги намалат тензиите
Високиот претставник на Европската унија за надворешна политика и безбедност, Жозеп Борел, истакна дека ЕУ најостро го осудува „шокантното насилство во Звечан“, повикувајќи ги косовските власти и демонстрантите да ги намалат тензиите.
Борел на Твитер изјави дека „насилните дејствија извршени врз војниците на КФОР, цивилите и припадниците на полицијата“ се апсолутно неприфатливи.
„ЕУ силно го осудува шокантното насилство во Звечан. Насилните дејствија извршени врз војниците на КФОР, медиумите, цивилите и полицијата се апсолутно неприфатливи. ЕУ ги повикува косовските власти и демонстрантите веднаш и безусловно да ја намалат тензијата“, нагласи Борел.
Тој додава дека ЕУ очекува од партиите да се однесуваат одговорно и веднаш преку дијалог да најдат политичко решение.
The EU condemns today’s shocking violence in #Zvecan in the strongest possible terms.
The violent acts committed against @NATO_KFOR troops, media, civilians and police are absolutely unacceptable.
1/2
— Josep Borrell Fontelles (@JosepBorrellF) May 29, 2023
