Борба на титаните, 58 рунда: Ѓоковиќ и Надал за финале на „Ролан Гарос“!
Денешното полуфинале на грен слем турнирот во Париз помеѓу најдобриот тенисер на светот Новак Ѓоковиќ (Србија) и Рафаел Надал (Шпанија) нема да започне пред 17.30 часот, соопштија организаторите.
Претходно на теренот „Филип Шатрије“ во првото полуфинале од 14.50 часот силите ќе ги одмерат Стефанос Циципас (Грција) и Александер Зверев (Германија).
Тоа ќе биде 58 дуел помеѓу Ѓоковиќ и Надал, деветти на „Ролан Гарос“ каде Рафа има учинок од 7:1 против Ноле, но српскиот ас севкупно води минимално со 29:28.
Во четвртфиналето Ѓоковиќ го совлада Матео Беретини (Италија) со 6:3, 6:2, 6:7 (5) и 7:5, додека Надал го елиминираше Диего Шварцман од Аргентина со 6:3, 4:6, 6:4 и 6:0.
[1] Novak Djokovic v [3] Rafael Nadal@TheBorisBecker and @paul_annacone weigh in on Friday's 58th meeting between the two tennis titans. #RolandGarros
— Roland-Garros (@rolandgarros) June 11, 2021
Нивната нова битка ќе биде реприза од минатогодишното финале во кое Шпанецот беше подобар и ја освои рекордната 13 титула во Париз.
– Тоа не е меч како кој било друг. Тоа е најголемиот предизвик кој може да го имате – да играте на земја против Надал, на терен каде што имаше толку голем успех – вели Ѓоковиќ пред полуфиналето.
ВИДЕО: Ѓоковиќ во дрес на Никола Јокиќ се подготвува за мечот со Надал!
Надал е на две победи од својата 21 грен слем титула, што ќе го стави зад себе Швајцарецот Рожер Федерер, со кого во моментов е израмнет по бројот на освоени грен слем трофеи. Од друга страна, Ѓоковиќ се обидува да стигне до број 19 и со тоа да стигне само до една грен слем титула помалку од најголемите ривали.
Во моментов, првиот светски тенисер го подигна трофејот во Париз во 2016 година, а сега тој може да им се придружи на Род Лејвер и Рој Емерсон како единствените тенисери кои ги освоија сите четири грен слемови барем двапати.