Бомба: Роналдо се враќа во Реал Мадрид?!
Сензационална вест утринава доаѓа од Шпанија, Кристијано Роналдо се враќа во Реал Мадрид.
Оваа вест не би била сфатено сериозно доколку не се појавеше на насловната страница на „Марка“ која ретко греши кога станува збор за вести поврзани со Реал Мадрид. Според весникот, супер агентот Жорге Мендеш се обидува да го врати Кристијано Роналдо на „Сантијаго Бернабеу“.
Веста ја потврди и авторот на емисијата „Ел Чирингито“, Хосеп Педрерол, кој вели дека Мендеш имал неформален разговор со претседателот на Реал Мадрид, Флорентино Перез на која го опипувал пулсот на првиот човек на „кралевите“ за можноста неговиот клиент да се врати во Шпанија.
– Вистина е, Жорге Мендеш му понуди на Реал Мадрид да го врати Кристијано – изјави Педрерол.
Управата на Јувентус сфати дека експериментот со Португалецот не успеа, „старата дама“ втора година по ред е елиминиран во осминафиналето од Лигата на шампионте, и поради тоа на лето ќе започне со ремонт и подмладување на екипата.
Згора на тоа, огромен товар за Јувентус е огромната плата на Роналдо која изнесува 30 милиони евра посебно во време кога екипите се соочуваат со големи финансиски проблеми предизвикани од пандемијата на коронавирусот.