Фелипе кој до сега ги бранеше боите на Вардар, се очекува од наредната сезона да ги брани боите на Шкендија. Дефинитивно Бразилецот ќе биде можеби и најголемото засилување летово за тетовските „црвено-црни“ во пресрет на новите европски настапи.

Веќе и на социјалните мрежи се потврдува оваа информација, а верните навивачи на Вардар веќе го изразуваат незадоволството поради фактот што Шкендија е еден од најголемите ривали за домашните трофеи.

Шкендија во меѓувреме веќе одигра четири пријателски натпревари во Словенија преку кои се темпира формата за квалификацискиот двомеч во ЛШ против естонскиот Номе Калју.

Фелипе беше еден од главните носители на играта на Вардар во историското учество во групите на Лига Европа, а сега нешто слично посакуваат и фудбалерите на тренерот Ќатип Османи.

Исто така и Вардар предводен од Александар Васоски стартуваше со своите тренинзи за наредната натпреварувачка сезона 2019/20. Иако се шпекулираше дека Жуниор ќе потпише за Партизан, тој ќе се врати во Скопје од родниот Бразил.