„БОЛКАТА НЕ ПОЗНАВА ГРАНИЦИ“: Српски и косовски војник заедно помагаат во Албанија
Поради неодамнешниот силен земјотрес во Албанија, екипи од цела Европа се мобилизираа за им помогнат на граѓаните кои страдаа во големата несреќа. Помошта пристигнува од сите страни, а една фотографија брзо се прошири на социјалните мрежи.
На фотографијата објавена од „Балканвеб“, може да се забележи како војник од Србија, заедно со друг војник од Косово, помагаат во справување со последиците од страотниот земјотрес.
– Оваа фотографија носи голема порака – пишува „Балканвеб“.
Под мотото „Болката не познава граници“, граѓаните на Албанија изразуваат голема благодарност до српските сили кои помагаат за справување со големите штети по земјотресот од 6,4 степени по Рихтер.
Покрај помошта од другите земји, тимови составени од 42 припадници на републичките сили за заштита и спасување, координирани од Дирекцијата за заштита и спасување, согласно одлуката на Владата на Македонија, од вчера попладнето се во Албанија за да помогнат во спасувачките акции на локалните власти.
Македонските тимови во Албанија од урнатините на зградите извлекоа две починати лица