Витаминот Д (познат како сончевиот витамин) помага во зајакнување на коските и мускулите и неговиот недостиг може да доведе до проблеми со здравјето. Недостигот на витамин Д е поврзан со срцеви болести, болести на дебелото црево, на простатата и уште многу повеќе.

Прочитајте кои се некои од главните симптоми на недостиг на витамин Д, кои можеби сте ги занемариле.

Болка во мускулите и коските

Постојаната болка од овој тип е еден од примарните знаци на недостиг на витамин Д. Вашето тело престанува да гради коскена маса околу 30-тата година од животот, а недостигот на витамин Д може да ги забрза или влоши симптомите на остеопороза.

Често се чувствувате тажно

Дали сте постојано тажни без посебна причина? Депресијата и промените во расположението често се поврзани со недостиг на витамин Д во вашето тело. Серотонинот, хормонот одговорен за расположението, се стимулира во зависност од количината на витамин Д. Многу истражувања покажаа дека зголеменото изложување на сонце може да ги направи луѓето посреќни.

Хронична болест на непцата

Внесувањето доволно витамин Д е исто така важно за вашето орално здравје. Пародонталната болест е хронична состојба при која бактериите предизвикуваат отекување и распаѓање на непцата. Некои студии укажуваат на директната улога на сончевата светлина во намалувањето на ризикот од пародонтална болест.

Висок крвен притисок

Високиот крвен притисок, познат и како хипертензија, е уште еден знак дека вашето тело има недостиг на витамин Д. Истражувањата покажуваат дека постои врска помеѓу витаминот Д и хипертензијата.

Замор и сонливост

Ако се чувствувате изморено без причина, тогаш тоа може да биде затоа што вашето тело е помалку изложено на сончева светлина и други извори на витамин Д. Истражувањата го поврзуваат недостигот на витамин Д со синдромот на хроничен замор. Ниското ниво на витамин Д во телото ќе направи да се чувствувате летаргично. Овој симптом е особено изразен кај постарите луѓе.

Промени во расположението

Како што споменавме претходно, рецепторите на витамин Д се наоѓаат во многу делови од мозокот кои влијаат на вашето расположение и емоции. Истражувањата покажуваат дека недостигот на витамин Д е тесно поврзан со менталните болести како што се стресот, анксиозноста и депресијата.

Прекумерна телесна тежина

Истражувањата покажуваат дека недостигот на витамин Д е поврзан со развојот на дебелината и го зголемува ризикот од компликации поврзани со дебелината. Витаминот Д им помага на пациентите со вишок килограми да изгубат тежина. Ако брзо сте добиле вишок килограми, дури и ако редовно вежбате и се воздржувате од прејадување, недостигот на витамин Д може да биде една од главните причини.

Дигестивни проблеми

Недостигот на витамин Д може да предизвика дигестивни проблеми. Сончевиот витамин му помага на вашиот дигестивен систем правилно да ги апсорбира мастите. Недостигот на витамин Д може да доведе до бројни проблеми со цревата, како што се нетолеранција на глутен, воспалителна болест на цревата и Кронова болест.

Алергии

Истражувањата покажуваат дека недостигот на витамин Д, исто така, игра улога во развојот на многу алергиски реакции. Витаминот Д игра важна улога при многу алергии со регулирање на имунолошкиот систем. Некои од алергиите поврзани со овие ситуации вклучуваат астма, алергии на храна, егзема, алергиски ринитис и анафилакса.