Вечерва ќе се одржи боксерски спектакл во женска конкуренција во кој ракавиците ќе ги вкрстат бранителката на титулата Ева Бродницка и предизвикувачката Едит Соледад Матис. Тие вчера одржаа церемонијално мерење и соочување пред новинарите, а настанот за малку ќе прераснеше во физичка пресметка.

За време на соочувањето помеѓу двете боксерки, Ева Бродницка, ненадејно ја бакна во уста својата противничка, а тој потег воопшто не и се допадна на Аргентинката. Соледад Матис веднаш реагираше со шлаканица, а потоа разменија по неколку удари, но за среќа обезбедувањето спречи поголем инцидент.
Полската боксерка која е бранителка на титулата потоа се обиде да и објасни на својата противничка дека потегот е само шоу за новинарите, но Соледад Матис немаше разбирање за нејзиниот потег.