Боки 13 добил 150 илјади евра за купување лекарства и облека за Марина Туцаковиќ
Сто и педесет илјади евра му дадовме на Бојан Јовановски за набавка на лекарствата за мојата сопруга Марина Туцаковиќ. Во таа сума се и парите за облека која мојата сопруга поради болеста ослабна, па со Бојан Јовановски се договараа каква облека да и купи од Милано, Италија. Ова денеска во судница го изјави Александар Радуловиќ, сведок во процесот „Рекет”.
На прашање на обвинетиот Бојан Јовановски колку пати финансиски му помогнал сведокот и неговата сопруга, Радуловиќ рече:
– Многу пати се има тоа случено. Немаме никакви долгови и ако треба пак ќе помогнеме.
Во случајот “Рекет” првообвинетиот Бојан Јовановски се сомничи дека сторил кривично дело „перење пари и други приноси од казниво дело“ и за „примање награда за противзаконито влијание“.
Второобвинетата Катица Јанева се товари дека сторила кривично дело „злоупотреба на службена положба и овластување“. Овој случај каде обвинета е и поранешната специјална обвинителка Катица Јанева, го води судијката Васка Николовска – Масевска, додека обвинението го застапуваа обвинителката Вилма Рускоска.