Најверните навивачи на македонскиот најтрофеен клуб Вардар најавија дека нема да бидат на трибините на последниот натпревар на црвено-црните во есенскиот дел од сезоната против Кожув.

„Комити“ се револтирани поради новиот термин на натпреварот кој сега е закажан за утре од 13:00 часот. Поради тоа се огласија со соопштение.

„Поради промена на регуларниот термин на одигрување на првенствените натпревари, одлучивме да не присуствуваме на последното коло, кое според изменетиот распоред треба да се одигра во петок (9.12.2022) со почеток од 13:00ч. Нека видат како е пред празни трибини, тие што ставаат глупи термини“, стои во соопштението.