Бојко Борисов пред ЕУ амбасадорите подава рака за продолжување на дијалогот со Македонија
Бугарскиот премиер Бојко Борисов учествува на видео конференција со амбасадорите на земјите членки на ЕУ и Швајцарската конфедерација на која меѓудругото сподели и свои видувања за спорот со Македонија:
-Бугарија отсекогаш била подготвена за дијалог и разбирање за решавање на билатералните прашања со Република Северна Македонија, но тоа мора да биде посакувано и спроведено од двете страни, рече премиерот за време на видео состанокот на кој присуствуваше и министерката за надворешни работи Екатерина Захариева.
Тој во однос на кризата во Бугарија предзвикана од пандемијата на амбасадорите им соопшти дека е неопходно земјата да ја добие предвидената помош од ЕУ:
-Се наоѓаме во сериозна ситуација на продлабочување на социјалната и економска криза како резултат на пандемијата. Треба да дејствуваме брзо со одобрување на следниот буџет на ЕУ и Пакетот за помош, така што средствата и програмите ќе можат да бидат оперативни од самиот почеток, истакнал Борисов за што и самиот соопшти на својот ФБ профил.