-Кратовчани ја почитуваат вонредната состојба. Во однос на дисциплината најмногу потфрлуваме. Во оваа ситуација на никој не му се седи дома и повикувам да се почитуваат мерките, изјави за „Утрински брифинг“ на „Слободна ТВ“ градоначалникот на Кратово Љупчо Бојаџиев.

Тој додаде дека има 48 лица во самоизолација и дека се прави соработка со конфекциите за изработка на маски.

-Моментално имаме 48 лица во самоизолација. Има некои дилеми дали тие две недели се доволни да се види клиничката слика и бараме да останат барем уште пет дена во самоизолација. Мал хендикеп е недостатокот на медицински средства како заштитни маски. Разговарано е со конфекциите и за рекордно кратко време се изработени тие маски и поделени. По продавниците е солидна снабденоста и не се разликува во однос на претходниот период, додаде Бојаџиев.