Богоев со трогателна објава се прости од Ангела Ангеловска: Си отиде највредниот „мајски цвет“

Стефан Богоев и директорката на градинката „Мајски цвет“ Ангела Ангеловска/ Фото: Фејсбук

Денеска згасна животот на нашата Ангела Ангеловска Усовска, директорка на детската градинка „Мајски цвет“. И јас и општината ќе ја паметиме пред сѐ како извонреден човек, ведра личност и голем работник, напиша на својот фејсбук профил актуелниот градоначалник на општина Карпош, Стефан Богоев.

-Да не беше Ангела немавме да имаме и толку успеси на полето на детската заштита и предучилишното образование во Карпош. Ангела, ти благодарам за тоа што ми беше соработник. Чест ми беше што те познавав и што заеднички сработивме многу. Си отиде највредниот „мајски цвет“, но ги повикувам сите вработени во градинките да го продолжат нејзиниот пат, да се грижат за дечињата и условите, како што Ангела тоа го правеше, напиша тој.

Видео на денот