Бојан Богдановиќ иако натпреварот го заврши со само осум постигнати поени, токму тој е херојот на Јута џез во триумфот од 113:114 против Хјустон.  Богдановиќ од тешка позиција со двајца противнички играчи покрај себе, успеа да постигне тројка во последната секунда од натпреварот со која неговиот тим дојде до победата.

This game winner from Bojan Bogdanovic was unreal! How did he get that to drop?pic.twitter.com/3ysmUf8uzL

— Ballislife.com (@Ballislife) February 10, 2020

Најефикасен во редовите на Јута беше Џордан Кларксон со 30 постигнати поени, додека Донован Мичел уфрли 25 поени. На Хјустон не му помогна ниту трипл-дабл учинокот на Џејмс Харден од 30 поени, 10 скокови и 10 асистенции.

ЛА клиперс по убедливиот пораз, им се врати на победите и со 133-92 го совлада Кливленд кавалирс. Први имиња во победата на клиперси беа Лу Вилијамс со 25 и Пол Џорџ со 22 постигнати поени.

Највозбудливо беше во Атланта каде се играа две продолженија, а на крајот се радуваше домашниот тим. Во дуелот на најслабите екипи во Источната конференција, Атланта со 140:135 го победи Њујорк.
Одлична партија имаше Тре Јанг со 48 поени и 13 асистенции, додека во редовите на Њујорк се истатка Џулиус Рендл со 35 поени и 18 скокови.

Резултати:
Атланта – Њујорк 140:135
Филаделфија – Чикаго 118:111
Вашингтон – Мемфис 99:106
Хјустон – Јута 113:114
Кливледн – Лос Анџелес клиперс 92:133
Портланд – Мајами 115:109