Богдановиќ нема да поштеди НИТУ ЕДНА од дивите тераси во Центар

Фото: Слободен печат

Дел од дивите тераси во Дебар Маало веќе се уништени, а општина Центар е стигната до фаза на поништување на одобренијата кои што правеле спротивно од тоа што им е одобрено, соопшти денеска на брифинг со новинарите градоначалникот на општина Центар, Саша Богдановиќ.

Како што изјави тој, моментално се работи на заедничка акција со општина Чаир за уривање на дивите тераси во Старата скопска чаршија и го радува фактот што дел од сопствениците самите преземале мерки за да ги отстранат терасите.

 – Одиме по ред. Додека не се заврши делот со Дебар Маало, не може да се почне со уривање на терасите на други делови од општината, бидејќи граѓаните ќе сметаат дека на некои сме им попуштале. Имаме решенија за сите делови од општината каде што сметаме дека се отстапува или е почнато без одобрение – изјави градоначалникот.

Тој вели дека од улица „Ленинова“, рушењето на дивите тераси ќе продолжи по улица „Орце Николов“, потоа парк, Буњаковец, Капиштец, улица „Македонија“ и Кеј.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот