Бочварски – Ал-Тани: Ќе се разгледа можноста за обнова на авиолинијата Скопје – Катар

Средба Бочварски – Ал-Тани/ Фото: МИА

Министерот за транспорт и врски, Благој Бочварски денеска оствари работна средба со в.д. амбасадорот на Катар, Џасим Ал-Тани.

На средбата министерот Бочварски ја потенцираше потребата од обнова на авиолинијата Доха (Катар) – Скопје и ги претстави инфраструктурните проекти што се реализираат во државата.

-Соработката меѓу двете држави е многу важна за поврзување на луѓето и економијата. За нас е посебно значајно да се обнови линијата Скопје – Доха, заради одржување на бизнис релациите меѓу двете земји. Имаме добра соработка со Катар, но сметаме дека имаме уште потенцијал оваа соработка да се зголеми, рече министерот Бочварски.

На средбата министерот упати повик до инвеститорите од Катар да ги разгледаат условите за инвестирање во земјава и да ги искористат предностите што се нудат.

Извор: МИА