„Блумберг”: Русија загуби осум милијарди долари со де-доларизација на своите девизни резерви – Слободен печат
ВестиЕкономија

„Блумберг”: Русија загуби осум милијарди долари со де-доларизација на своите девизни резерви

Платена е економска цена за решавање на геополитички проблеми. Тешко е да се оцени дали тоа вредеше. Годинава имаше загуби, но инвестицијата е на долг рок.

Во првата година по одлуката на рускиот претседател Владимир Путин, Русија да се откаже од американскиот долар во своите девизни резерви, земjата загубила 7,7 милијарди долари, јави „Блумберг”.

Како што објави денеска агенцијата, експериментот на Путин со диверсификација на девизните резерви со исфрлање на доларот од структурата на резервите на земјата во својата прва година, бил целосно фијаско.

По налог на Кремљ, Централата Банка на Русија ставала ставки на слаби валути, како евро или јуан, и го пропуштила скокот на доларот, кој од март 2018 година до март 2019 година пораснал за 6,5 отсто. Според пресметките на агенцијата, доколку регулаторот ја сочувал тогашната структура на своите девизни резерви, кои се во висина од околу 531 милијарда долари, тогаш кон крајот на март годинава тој би имал добивка од приближно 3,8 отсто.

Се истакнува дека, според редовниот извештај на ЦБ на Русија, кој се објавува со задоцнување од шест месеци, за наведениот период банката ги намалила резрвите во долари од 43,7 до 23,6 отсто. Притоа уделот на еврото се зголемил од 22,2 до 30,3 отсто, а на јуанот од пет на 14,2 отсто.

– Платена е економска цена за решавање на геополитички проблеми. Тешко е да се оцени дали тоа вредеше. Годинава имаше загуби, но инвестицијата е на долг рок, изјави експерт за агенцијата.

Сумата на долари во девизните резерви на Русија лани беше намалена за половина, дел од пошироката стратегија на Кремљ за „де-доларизација” на економијата на земјата и намалување на ранливоста од американските санкции, додека односите со Вашингтон и понатаму се влошуваат.

Откако Русија лани спроведе диверсфикација на своите девизни резерви, кои претходно беа главно во долари и евра, земјата стана најголемиот светски вложувач на јуани во своите девизни резерви, пишува „Блумберг”. Повикувајќи се на податоци од „Голдман сакс”, се истакнува дека Русија со тоа станала најголемиот вложувач во јуани во светот, и сега поседува 70 отсто од сите девизни резерви во јуани.

Ставките на Кина сепак не биле целосно фијаско бидејќи загубите од падот на кинеската валута биле компензирани за сметка на повисоката доходност на кинески локални облигации споредено со државните облигации на САД, пишува „Блумберг”.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close