Блокиран пристапот до Националната опера и балет, имало дојава за поставена бомба

Национална опера и балет / фото: Википедија

Вечерва полицијата ги блокира сите приоди кон зградата на Национална опера и балет поради пријава за поставен експлозив , објави телевизија 21.

Според досега достапните информации, евакуирани се повеќе објекти, меѓу кои и зградите на НОБ, Филхармонијата и средното музичко училиште „Илија Николовски – Луј“, како и зградата во која се сместени новинската агенција МИА, СЕП, ДКСК, Финансовата полиција, Инспекторатот за животна средина. На вработените им е кажано веднаш да излезат од објектите.

Испразнети се и зградите на А1, на МНР и соседните објекти во центарот на Скопје. Полицијата не дозволува движење на луѓе и возила кон Мавровка, МНТ и МРТ, а блокирани се и околните улици и крстосници.

Полицијаци се распоредени околу овие објекти, а засега нема потврда дека се работи за лажна пријава.

Видео на денот