Група на граѓани вечерва го блокирале кружниот тек во Зета, Црна Гора во близина на аеродромот, а при интервенција на полицијата, биле повредени четворица полицајци, пренесува Данас.рс.

Во соопштението се прецизира дека припадник на Центарот за безбедност на Подгорица, Далибор Живковиќ, се здобил со повреда на главата и бил префлен во Ургентен центар.

Поради блокада на патиштата, Итната помош не можела да дојде до повредениот полицаец, па до болницата го префрлил еден граѓанин, пренесува споменатиот медиум.

Група на граѓани од Беране ја окупирале зградата во општината, а тој протест поминал мирно.

Протести имало уште во неколку општини во Црна Гора, како во Бело Поле и на уште неколку места каде граѓаните го изразиле револтот поради контроверзниот закон за вероисповед кој го потпиша претседателот Ѓукановиќ.

Како што пренесуваат тамошните медиуми, споменатите протести поминале мирно.