9.2 C
Скопје

Близнаци се, а имаат различна боја на кожата!

Стејси, 31-годишна мајка од Нигерија, немала поим дека фотографиите на нејзините бебиња родени во февруари лани ќе го обиколат светот.

Браќата Даниел и Давид се родени со едноминута разлика, а и покрај тоа што и двајцата имаат големи кафеави очи, малкумина би претпоставиле дека се браќа.

Instagram

Нивните родители Стејси и Бабаџиде, кои живеат во Лагос, признаваат дека нивните бебиња предизвикуваат големо внимание кога ќе излезат надвор. Даниел е со темна кожа, а Давид има светла кожа и златести кадрици.

Instagram

Стејси одлучила да ги документира животите на бебињата на Инстаграм, а досега собрала 18.000 следбеници.

– Не знаевме колку се различни за време на бременоста, ултразвукот не го покажува тоа, па затоа бевме изненадени кога Даниел се роди со темна коса, а Давид со златна. Ги родив со царски рез, а лекарот се пошегува дека имам „неидентични близнаци“. Медицинските сестри постојано доаѓаа да ги гледаат – рекла Стејси.

Прочитајте и...  ФОТО | Враќање во седумдесеттите: Капутот од овчо крзно е хит број 1 оваа зима!
Instagram

Покрај двата сина, тие ја имаат и петгодишната ќерка Демилада.

Давид е роден со албинизам, генетска состојба што се јавува кај едно од 20.000 бебиња во светот.

Instagram

Албинизмот е наследна генетска состојба, а се карактеризира со недостиг на пигментот меланин во кожата, косата и очите. Се појавува кај сите етнички и расни групи, а недостигот на пигментот може да варира. Во Нигерија бројот на албино луѓе е невообичаено голем, но и покрај тоа доживуваат дискриминација и злоупотреба. Стејси посочува дека таа никогаш не слушнала грди коментари за своите деца и дека ги сака и двете еднакво.

Поврзани вести

Со следниот тест откријте колку е стар вашиот мозок и како работи

Слободен печат

Весна Петрушевска: Никој не прашува како жртвата на сексуално насилство ќе се крене на нозе

Ј.К.Д.

ФОТО | Биле страв и трепет и никој не можел да ги надмудри како војни стратези: Ова се најмоќните кралици воини

Слободен печат

ФОТО: Сузана Турунџиева и Атиџе низ главниот град кај „скопските пчели“

М.Р

Лари Кинг пред олтарот застана осум пати со седум жени, една од нив ја запросил во болничка соба

Слободен печат

Бајага напиша химна на храброста: Ѝ ја посвети „Не си сама“ на Милена Радуловиќ

Слободен печат

Остави Коментар