Блиску до рекордниот праг: Биткоинот отиде до, речиси, 60.000 долари
Цената на биткоинот повторно е во плус и денеска околу пладне, со најпопуларната криптовалута се тргуваше по цена од 59.000 долари. Моментната вредност на биткоинот е 59.100 долари, што е скок за еден процент на дигиталната валута.
Биткоинот вчера се движеше меѓу 56.000 и речиси 60.000 долари и бешпе блиску до рекордниот праг од 61.500 долари.
Пазарната капитализација на најстарата криптовалута и натаму е над билион долари, а вредноста на биткоинот моментно е поголема од две светски мрежи со платежни картички, чија заедничка пазарна капитализација изнесува 871 милиони долари, како и од три најголеми светски банки.
Новиот скок на биткоинот најверојатно се должи на обновениот интерес на големите инвеститори за вложување во криптовалута.
Имено, „Морган Стенли“ стана прва голема банка во САД која на своите богати клиенти им нуди пристап до биткоин фонодите.