Нападите на Милорад Додик врз основните права и слободи во Република Српска покажуваат дека тој се наоѓа на авторитарниот пат на претседателот Путин, напиша денеска на Твитер државниот секретар на САД,Ентони Блинкен.

Додик е претседател на Република Српска, претставник на заедницата на босанските Срби во земјата и член на претседаталството на БиХ.

Тој е под американски санкции со години, а деновиве дополнително ги наруши односите со САД и Британија, објавувајќи дека ги прекинува односите со нивните дипломатски претставници во БиХ поради тоа што се мешаат во внатрешните работи.

Блинкен во твитот додава дека американскиот амбасадор во Босна и Херцеговина, Мајкл Марфи, „продолжува да се залага за демократска и просперитетна иднина која ја заслужуваат сите граѓани на Босна и Херцеговина“.

Milorad Dodik’s attacks on basic rights and freedoms in Republika Srpska show he is on President Putin’s authoritarian path. @StateDept, represented by Amb. Murphy, continues to advocate for the democratic and prosperous future that all citizens of Bosnia and Herzegovina deserve.

— Secretary Antony Blinken (@SecBlinken) March 29, 2023

Додик: Република Српска ќе прогласи независност доколку Шмит го наметне законот за имот