Блескаво деби на Нуни Омот, МЗТ Скопје со убедлива победа ја стартуваше сезоната
Екипата на МЗТ Скопје со победа ја отвори новата сезона каде ја очекуваат настапи на три фронта, во домашните првенство и Куп и во АБА2 лигата. „Металците“ со високи 110:88 ја победија Слобода Тузла во последниот натпревар од првото коло во АБА2 лигата.
Кошаркарскиот на македонскиот шампион беа доминантни во текот на целиот натпревар во кој одлично функционираше главното оружје, шутот за три поени со постигнати дури 19 тројки од само 31 обид.
Отпорот на кошаркарите на Слобода беше конечно скршен во финишот на третата четвртина кога кошаркарите на МЗТ Скопје дојдоа до предност од 14 поени (83:69) по што до крајот рутински ја одбработија задачата и дојдоа до убедлив триумф од 22 поени.
Одлично деби пред домашните навивачи имаше новиот член на „металците“, Нуни Омот кој постигна 33 поени и имаше фантастичен шут од игра со само едно промашување (6/6 за три поени, 7/8 за два поени. Покрај Омот, одлична партија прикажаа и Дамјан Стојановски со 16 поени, Бојан Крстевски со 13, Андреј Магдевски со 12, и Џабари Хиндс и Андреј Маслинко со по 11 постигнати поени.