Италијанските медиуми пишуваат како глумецот Хју Грант се посрамил среде Рим. Имено, тој се шетал низ градот со својата сопруга Ана, а во текот на прошетката наишле на претставничка на компанијата АМА која ги снимала работниците како фрлаат отпад во дел кој не е наменет за тоа.

Додека снимала, во кадарот ѝ влегла сопругата на Грант.

Во исечокот што го објавиле италијанските медиуми може да се слушне како сопругата на глумецот се буни поради снимањето, а потоа се вмешува и Грант.

„Не стојте пред жена ми“, рекол тој, а потоа го зграпчил телефонот.

Претставничката на АМА рекла дека воошто не го препознала Хју Грант и дека не ги снимала нив.
„Грант, кој беше зад мене ми го грабна мобилниот. Откако му го земав му реков дека не е пристоен“, изјавила таа.