Македонската сениорска репрезентација утре ќе го продолжи настапот на Светското првенство во Египет со три нови натпревари во главната фаза.

Таму без бодови во новоформираната група „4“ стартуваме без бодови, а прв ривал в среда од 15.00 часот ни е селекцијата на Словенија.

Во истиот термин од 15.30 часот во Каиро ќе ги играме и останатите два меча, на 22 јануари против Русија, и на 24 јануари против Белорусија.

Словенците стартуваат со два бода и ја имаат фаворитската улога, но селекторот Данило Брестовац и неговите ракометари ветуваат дека ќе го дадат максимумот и на следните три дуели.

Брестовац: Победата над Чиле може да биде позитивен знак

Против Словенците се сретнавме во осминафиналето на СП во 2015 година кога загубивме со 30:28. Имавме пораз и на Мундијалот две години подоцна во групната фаза (29:22).

На еврошампионатите имаме триумф во 2012 година во борбата за петтото место (28:27), а бевме подобри и во 2018 година во Загреб славејќи исто така минимално со 25:24.

– Против Македонците во минатото игравме многу натпревари, имавме големи проблеми и на крајот сме биле поразени. Мораме да бидеме фокусирани од првата до последната минута, само така можевме до нови победи на СП – вели 27-годишниот словенечки репрезентативец, пивотот Блаж Благотиншек, соиграчот на Дејан Манасков во унгарскиот клуб Веспрем.