Бјелогрлиќ и Јоксимовиќ ќе снимаат филм за Тома Здравковиќ, популарниот „поет на тагата“
Како што соопштија членовите на продукцијата, снимањето на филмот „Тома“, за животот на познатиот пејач за Тома Здравковиќ почнува викендов.
Улогата на Тома Здравковиќ ќе ја толкува Милан Мариќ, а пејачката Силвана Арменулиќ, чиј лик исто така ќе се појави во филмот, ќе ја глуми Тамара Драгичевиќ. Многумина тврдат дека случајната средба меѓу Тома и Силвана во голема мера ја одредила нивната кариера.
Филмот „Тома“ ќе биде резултат на здружените сили на Драган Бјелогрлиќ, Жељко Јоксимовиќ и Бане Обрадовиќ.
„Тома Здравковиќ го викаа поет на тагата. Пееше од душа и за душа. Го сакаа сите. И оние кои не слушаат народна музика сакаа да го слушаат Тома. И денес, 30 години по неговата смрт, неговите песни се слушаат и се нарачуваат по кафеаните“, рекол Бјелогрлиќ за Н1.
Се шпекулира дека премиерата на филмот ќе биде на 30 септември 2021 година, кога е годишнината од смртта на познатиот пејач.