Полицијата во јужна Франција уапсила 41-годишна жена откако пронашла две мртви бебиња во нејзиниот замрзнувач.

Едно лице ја известило полицијата за страшното откритие во француското село Бедоан ден претходно и полициската истрага е во тек. Врската меѓу уапсената жена и бебињата се уште не е јасна, пренесува ДПА.

Жената ќе остане во полициски притвор, соопшти денеска обвинителката Хелен Мургесво блискиот град Карпентрас. Мургес не кажа дали таа сведочела во полиција или дала изјава.

Весникот „Ла Прованс“ објави дека 16-годишната ќерка на жената посочила дека нејзината мајка родила дете сама дома пред три години. Жената живеела со нејзините три деца во домот каде е откриено злосторството.