Бизарни коинциденции: Дали Симпсонови уште еднаш ја предвидоа иднината, овојпат катастрофалната експлозија во Бејрут? (ФОТО+ВИДЕО)
И додека светот се уште е во шок од вчерашните разорни експлозии во либанската престолнина, на социјалните мрежи веќе се споделува видео од епизода од Симпсонови, повторно со наслов „Simpsons did it again“ (Симпсонови го направија тоа повторно) дека предвиделе уште една случка.
Пред триесет и една година, поточно на 17 декември 1989 година, емитувана е првата епизода од анимираната серија „Симпсонови“. Оттогаш до денес, оваа ултрапопуларна анимирана серија на гледачите ширум светот со речиси 700 епизоди (досега се направени 673 епизоди), со секојдневните случувања на Хомер, Марџ, Барт, Лиса и Меги Симпсон, преку сатиричниот и критичен пристап кон општеството им понуди многу забава. Но, она што ја импресионира масовната публика во нивниото повеќедецениско постоење е начинот на кој серијата е инкорпорирана во настаните кои всушност треба да се случат во иднината.
Самата серија набрзо по првото емитување стана еден вид на глобален феномен. Години во минатото, на децата во училиштата во САД им беше забрането да носат маици со ликот на Барт Симпсон бидејќи тој е „лош пример“.
Од друга страна, гостувањата на многу славни личности беше и е потврда за нивната успешност. Ал Џин, сценаристот на серијата, еднаш рече дека секогаш го фасцинирал фактот што луѓето секогаш се подготвени за соработка, особено во Велика Британија, и ја истакна како пример епизодата со тогашниот премиер Тони Блер.
Сепак, најголемиот и најспецифичен феномен за Симпсонови изминативе неколку години е дека тие неколкупати успеале точно да ја „предвидат“ иднината.
Што сѐ Симпсонови успеаја да предвидат досега?
Доналд Трамп како претседател на САД
Едно од нивните најпознати предвидувања, меѓу многуте други, е тоа дека Доналд Трамп ќе стане претседател на САД. Пред 19 години, групата на автори кои ја креираат серијата седнале и ги разгледале можности за тоа која позната личност би можела да стане претседател на Соединетите Држави. Тогаш одлучиле дека тоа би можело да биде тогаш активниот бизнсмен Доналд Трамп.
– Кога во 2000 година разговаравме за тоа која славна личност би можела да стане американски претседател, на памет ни падна дека тоа може да биде Трамп. Но, Трамп беше еден од 2.000 – рече Ал Џин, писател и сценарист на серијата. Самиот процес на „предвидување“ на иднината, односно настанувањето на серијата, членовите го опишаа како креативен процес кој им доаѓа како еден вид на психотерапија во кој многу се забавуваат, кажуваат шеги и на крајот доаѓаат феноменални решенија.
„Седите во соба со десет до 20 духовити луѓе. Можеби најдобро е кога Трамп ќе направи некоја глупост, па многу луѓе коментираат и се шегуваат на таа тема. Но да, многу се забавуваме – рече своевремено Ал Џин.
Некои одат толку далеку што во револтот на Лиса Симпсон против Трамп ја препознаа младата еколошка активистка Грета Тунберг од Шведска.
Коронавирусот!
Фановите на Симпсонови веруваат дека долгогодишната анимирана серија го предупредила светот за коронавирусот уште пред повеќе од 2 децении.
Како доказ ја наведуваат епизодата од 1993 година во која се работи за вирус наречен Осака Флу кој се шири низ Спрингфилд, откако жителите нарачале блендери од Јапонија.
you're telling me the simpsons predicted the coronavirus too?? THIS EPISODE AIRED IN 1993 Y'ALL pic.twitter.com/H3RccKjCOa
— alexander (@thelightalex) March 13, 2020
Во епизодата еден од работниците кој ги пакува блендерите во кутии во Јапонија, се заразува со вирусот и случајно го праќа во САД. „Ве молам, немојте да му кажете на мојот надзорник дека имам грип“, вели тој пред да се искашла во кутијата. Потоа, откако блендерите пристигнуваат во Спрингфилд, повеќето жители се разболуваат, па се изолирани од останите.
Иако вирусот дошол од Јапонија наместо од кинескиот град Вухан, фановите на Симпсонови го „запалија“ Твитер со реакции.
Том Хенкс во изолација
Веста дека Том Хенкс е заболен од коронавирус беше како прва шлаканица на тврдењата дека „познатите не се заразуваат со коронавурусот“. Излезе дури и вирално меме тврдејќи дека „Симпсонови“ ја предвиделе болеста на омилениот актер.
Хенкс во долгометражниот филм „Симпсонови“ од 2007 година се самоизолираше и вели: „Ако ме видите, оставете ме!“. Ова предвидување е помалку нападно, дури и за емисијата која е заслужна за низа страшни предвидувања во минатато.
Кризата во Грција
Во јануари 2013 година, визионерите кои стојат за креирањето на оваа цртана серија емитуваа епизода во која на кајронот за време на едни ТВ вести оди насловот: „Европа ја продава Грција на E-Bay“.
The Simpsons Predicted the Future of Greece… pic.twitter.com/VNN0uYE1cq
— Pedro Teichgräber (@PedroTeich) July 2, 2015
Години подоцна оваа шега воопшто не им беше интересна на Грците, кои навистина паднаа во сериозна економска криза.
The Simpsons has now predicted Disney buying Fox, the FIFA scandal, Greece’s economic collapse & President Trump (via @TomButler) pic.twitter.com/yj3qjx9TBB
— Darren Rovell (@darrenrovell) December 14, 2017
Kрајот на „Игра на тронови“ (Game of Thrones)
Во епизода од 2017 година, Барт, Лиса, Хомер и Марџ гледаат како змeј го уништува нивното село.
– Го сакам нашиот живот – рече Хомер во таа сцена, која неверојатно потсетува на онаа кога змeј го уништи градот King’s Landing во серијата „Игра на тронови“, која постигна вртоглава гледаност.
Well I be damned they predicted the future again#gameofthrones #GOTS8E5 #simpsons #Daenerys pic.twitter.com/7rE9nR2bun
— larissa (@cuddlemetria) May 13, 2019
Легализација на марихуаната
Истражување на пазарот или чиста случајност, видовитите Симпсонови ја предвидоа и легализацијата на марихуаната во Канада.
Во епизодата стара 14 години, Хомер Симпсон, Нед Фландерс и Апу патуваат во Винипег во Канада за да пронајдат лекови на рецепт. Додека во една аптека ги купуваат потребните медикаменти, на Нед Фландерс му приоѓа негов двојник од Канада и во тој момент му нуди марихуана.
– Земи, овде е легално – вели канадскиот Нед.
Во Канада од 2018 година продажбата на марихуана и навистина стана легална.
Нобелова награда
Милхаус во 2010 година предвиде дека Бенгт Р. Холмстром ќе ја освои Нобеловата награда за еконимја. Тоа и навистина се случи, но дури во 2016 година.
The Simpsons predicted Prof. Holmstrom would win the Nobel Prize 10 years ago https://t.co/TV6lXa13Rh pic.twitter.com/0DD4n1DJ8u
— Boston 25 News (@boston25) October 10, 2016
Лејди Гага на Супербол
Во епизодата емитувана во 2012 година, Лејди Гага леташе над публиката на концерт, додека виси на жици. Пејачката на полувремето на 51-виот Супербол во 2017 година навистина прелета до сцената од покривот на стадионот и носеше слична гардероба како онаа во цртаната епизода.
'The Simpsons' predicted Lady Gaga's Superbowl performance 5 years ago https://t.co/MoZrYEWDJh by @BIUK pic.twitter.com/FFsCRw7PFE
— Business Insider (@businessinsider) February 7, 2017
Нападот на близначките
Меѓутоа, колку и Трамп да беше банално решение кое потоа стана вистинито, Симпсоновите минаа низ не толку нежниот радар на јавноста откако објавија епизода која подоцна е поврзана со терористичкиот напад на 11 септември на кулите-близначки во Њујорк.
„Талентот“ за предвидување на иднината создаде плодно тло за оние кои веруваат во теориите на заговор, особено по емитување на епизодата во која Симпсонови стигнуваат во Њујорк, а во неа има многу симболики и алузии на терористичкиот напад на 11 септември 2001 година.
– Членовите на семејството купија водич за Њујорк на кој заедно со фотографијата на познатите кули-близначки, стои и цената од девет долари, што личеше на датумот 9.11, но тоа всушност беше чиста случајност – појасни Ал Џин.
Во стотината епизоди имаше многу случувања кои ја предвидуваат иднината, но сѐ тоа е само, тврдат авторите, чиста случајност.
– Ако на маса ставите доволно предвидувања, по законот на веројатноста 10 отсто од нив навистина ќе се случат – смета Ал Џин и додава дека тие се како некои футуролози, бидејќи има настани кои ги предвидуваат и по 10-тина месеци однапред.
Видео-повици
Во епизода од 1995 година во која Лиса се мажи, во еден момент таа и Марџ зборуваат преку телефон кој има и екран преку кој можат да се видат, нешто во оваа година беше навистина несекојдневно. Дури и филмовите не беа доволно креативни кога стануваше збор за комуникациите, па најчесто ги претставуваа телефоните од иднината со жица.
Паметни часовници
Идејата дека можеме да разговараме преку своите часовници, Симпсонови ја претставија во 1995 година, речиси 20 години пред на пазарот да се појави паметниот часовник на компанијата „Apple“.
Експлозијата во Бејрут, Либан?
И додека светот се уште е во шок од вчерашните разорни експлозии во либанската престолнина, на социјалните мрежи веќе се споделува видео од епизода од Симпсонови, повторно со наслов „Simpsons did it again“ (Симпсонови го направија тоа повторно) дека предвиделе уште една случка.
На исечкотот од епизодата се гледа како Хомер зборува со Апу, кој го носи во подрумот и му ја покажува пиротехниката која ја крие таму, сугерирајќи дека е совршена за прославта на националниот празник 4ти јули. Причината за големата експлозија во Либан во која загинаа над 100 лица, а 4.000 се повредени во Бејрут се најверојатно над 2.750 тони амониум нитрат, кои биле чувани во магацин за пиротехника во градот.
#Beirut #BeirutBlast #LebanonExplosion #Lebanon #Explosion
May Allah have mercy on deceased and heal the injured…Aameen
Simpsons Cartoon Predicted this years ago and now this happened… pic.twitter.com/EwF7ujheQT
— Sohail Inayat (@SohailInayat13) August 4, 2020