БИЗАРНА ЗАБРАНА: На деца во Холандија не им даваат да користат игралиште, биле многу бучни

Едно основно училиште во Холандија го затвори игралиштето за деца откако станарите во околните згради реагирале дека децата биле прегласни.

Локалните власти по нивната реакција донеле одлука за затворање на игралиштето.

Забраната за користење на игралиштето во училиштето „Де Бут“ во Најмеген важи до крајот на месецот, а за нејзино прекршување следи казна од 10.000 евра.

Директорот на училиштето Јанеке Колсен смета дека „тоа е бизарна ситуација и не е во ред за децата“.

Локалниот канцелар Ноел Вергунст рече дека властите морале нешто да преземат, бидејќи биле надминати стандардите со кои се регулира нивото на бучава. Дозволени се 70 децибели, а по мерењето се утврдило деца децата создаваат бучава од 88 децибели.

Инаку, холандските деца, според истражувањето на УНИЦЕФ, се најсреќни деца во светот, затоа што нивното образование е засновано на учење низ игра и немаат притисок за правење тестови на помала возраст.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот