БИЗАРНА СМРТ ВО РЕСТОРАН ВО САД: Расправија околу сендвичи се претвори во убиство со нож
Маж беше избоден до смрт во ресторан во сојузната американска држава Мериленд, откако започнал расправија за еден од сендвичите на ланецот за брза храна „Попајс“, информираше полицијата.
Жртвата, 28-годишен маж, бил прободен пред ресторанот, кадешто чекал на ред за да земе пилешки сендвич. Додека чекал, тој започнал расправија со уште еден маж, а судирот се префрлил на улицата. Полицијата верува дека расправијата започнала поради тоа што некое од лицата се обидело да земе сендвич преку ред.
– Ова е многу тажен и трагичен ден – рече портпаролката на локалната полција Џенифер Донелан.
Полицајците кои пристигнале на местото на несреќата се обиделе да му го спасат животот на прободениот човек се додека не бил префрлен во локалната болница, каде само била констатирана смртта.
Полицијата се уште трага по осомничениот, а се верува дека напаѓачот бил со уште еден човек.
– Тој знае што направи и го повикуваме самиот да ја направи правилната работа и да се предаде на полицијата – рече портпаролката Донелан.